گاه نوشته‌های من

وب نوشت‌ها، تصاویـر و... بهزاد ناقل

گاه نوشته‌های من

وب نوشت‌ها، تصاویـر و... بهزاد ناقل

پیریمیز

بیز خرابات اهلی‌ییک، میخانه‌لردن چیخمیشیق

باده‌لر نوش ائتمشیک، پیمانه‌لردن چیخمیشیق

آتش غمدن نه قورخاق کیم، سمندر خصلتیک

شمع‌لر یاندیرمیشیق، پروانه‌لردن چیخمیشیق

پیریمیز پیر موغاندیر، خادم میخانه‌ییک

رندلر ذؤقین گؤروب، دیوانه‌لردن چیخمیشیق

ایندی بیر اکراه اولوب مئیدن، نظردن دوشموشوک

یوخسا مین مین مجلیس مستانه‌لردن چیخمیشیق

گاه اؤپوب یارین آیاغین، گاه دولاننیق باشینا

بیز پریشان زولف‌لر تک شانه‌لردن چیخمیشیق

بیر شعاعین ذرّه سیندندیر، فقط رنگ اؤزگه‌دیر

دیرلردن، مسجدِ ویرانه‌لردن چیخمیشیق

قدر و قیمت سیز بیزی ظن ایتمه واحد، عارف اول

پر بها گنجینه‌ییک، ویرانه‌لردن چیخمیشیق

شاعیر: علی آقا واحد

نظرات 0 + ارسال نظر
برای نمایش آواتار خود در این وبلاگ در سایت Gravatar.com ثبت نام کنید. (راهنما)
ایمیل شما بعد از ثبت نمایش داده نخواهد شد